Idrettsfag
Idrettsfag
Dersom du er glad i trening og fysisk aktivitet, kan idrettsfag vera noko for deg. Du får tilbod om praktiske idrettsfag kombinert med andre teoretiske fag slik at du får generell studiekompetanse.
Treningsfasilitetar
Me har ein romsleg idrettshall, Framnes Arena, med mange flotte fasilitetar: full handballbane, innandørs kunstgrasbane og stort styrkerom.
Obligatoriske idrettsfag:
Valfrie programfag
Breiddeidrett
Breiddeidrett ved Framnes kristne vidaregåande skule er eit tilbod for deg som ønskjer å ha fokus på fleire idrettar. Breiddeidrett er eit praktisk fag med stor variasjon i aktivitetar.
Toppidrett Fotball/Volleyball/ individuell idrett
Toppidrett ved Framnes kristne vidaregåande skule er eit tilbod for deg med aktiv konkurranseerfaring i idretten som ønskjer å driva idretten din til noko meir enn mosjonsnivå. Me tilbyr trening i skuletida og oppfølging frå lærarar og trenarar i fotball og volleyball. Fleire av lærarane har erfaring frå toppidrett.
NB: Dersom du ynskjer Individuell toppidrett: Her stiller me krav om at du både er aktiv og har konkurranseerfaring frå idretten din. I tillegg må du ha ein personleg trenar som står ansvarleg for at du trener rett for å få den utviklinga som du ynskjer. Ta kontakt med skulen dersom du har spørsmål til individuell toppidrett
Friluftsliv
Friluftsliv er eit programfag som du kan velja på VG2 og VG3. Det er eit praktisk fag som omfattar tre helgeturar i ulike naturmiljø, telemarkundervisning på vinteren og mange praktiske økter utandørs. Det blir gitt god opplæring i bruk av kajakk.
