Visjon

«Framnes kristne vidaregåande skule er ein inkluderande skule og heim der alle trivest, blir møtt med tillit og respekt og får vener for livet. Elevane opplever personleg vekst, fagleg utvikling og eit godt åndeleg fellesskap».

Kva kan me tilby deg?

Framnes Kristne Vidaregåande Skule er ein internatskule med ca. 260 elevar. Om lag 200 bur på internatet. Skulen vert driven av Indremisjonsforbundet og Indremisjonssamskipnaden. Skulen ligg i Norheimsund i Hardanger.

Me ynskjer å drive ein god fagleg skule med eit godt sosialt og åndeleg miljø. Alle skal trivast på Framnes. Miljøavdelinga saman med tilsette legg til rette for at du kan ha noko å fylle fritida med på Framnes. På kveldstid kan du delta i bibelgrupper, møter, ulike idrettsaktivitetar, leik og moro i gymsalen, seminar, konsertar m.m. Noko arrangerer skulen, men mykje vert arrangert av elevane sjølve.

Framnes har flunkende ny idrettshall og er utstyrt for dei som likar å drive idrett. Me kan også tilby noko for den musikkinteresserte. Framnes samarbeider godt med aktørar i bygda og det er kort veg til skisenter både i langrenn og alpint/telemark.